Unge Venstre-medlem: Noregs framtid er i EU

Nyleg kom EØS-utvalet med sin rapport. Konklusjonen var krystallklar; Noreg har ingen gode alternativ til dagens EØS-avtale. Det einaste alternativet er fullverdig EU-medlemskap. 

Det er absurd at Jonas Gahr Støre drikk pils i hotellbaren, medan dei andre statsleiarane innførar sanksjonar mot Russlands fullskala invasjon. Tida for å stå på gangen når viktige avgjersle verdt tekne er forbi, og her tek Venstre kampen.

No er situasjonen annleis

Verda har endra seg dramatisk sidan Noreg sist tok stilling til EU-spørsmålet i 1994. Det er krig i Europa, me står midt i ei klimakrise og liberale verdiar er under press. Demokrati og grunnleggjande menneskerettar er ikkje lenger ei sjølvfølge. Då kan ikkje Noreg lenger halde fram å stå på gangen. 

Om Venstre skal sitte ved kongens bord etter valet i 2025, skal medlemskap i EU vere blant dei høgast prioriterte sakane. 

Sondre Undheim Lokøy

Om Venstre skal sitte ved kongens bord etter valet i 2025, skal medlemskap i EU vere blant dei høgast prioriterte sakane. Dette skapar håp. Eit håp om ein ny opplyst debatt. Ein debatt som ryddar unna utdatert argumentasjon, og som tek utgangspunkt i korleis verda ser ut i dag.

I 1994 var miljørørsla mot EU. No er situasjonen annleis. Klimakrisa er ei av utfordringane me står ovanfor, og EU er ein del av løysinga. 

EU er verdas mest offensive klimaallianse, og det vil tene både Noreg og Europa om me vert ein del av den. Klimagassutslepp kjenner ikkje landegrensene, og me må jobbe saman for å nå måla. EU bidreg til overnasjonale forpliktingar, og stiller krav til alle land. Inkludert Noreg. Difor meiner Venstre at Noreg må ha ein plass rundt bordet når EUs klimapolitikk diskuterast og avgjerds. 

Me må spele på lag

EU er eit bevis på at utsleppa kan gå ned samstundes som næringslivet og økonomien vekst. EØS-avtalen er ikkje nok for å sikre norsk næringslivs interesser. 

Me må spele på lag, og leggje til rette for eit levande næringsliv i Noreg, saman med EU.

Sondre Undheim Lokøy

EU utviklar og vedtek politikk som også gjeld for Noreg gjennom EØS-avtalen. Utan at Noreg har høve til å fremje norsk næringslivs synspunkt i forkant. Norsk næringsliv tapar terreng når rammeføresetnadane for næringslivet i EU og Noreg er ulike. Dette gjer at norsk næringsliv faller bakpå, fordi me har ei regjering som er meir opptekne av å greia ut alternativ til EØS-avtale, framfor å ta Noreg inn i EU. 

Me må spele på lag, og leggje til rette for eit levande næringsliv i Noreg, saman med EU.

Det er tydeleg at me lev i ei anna verd enn i 1994. Det er på tide å la alle nordmennene som aldri har fått uttrykt si meining om norsk tilknyting til EU, å få gjere det. EU kjempar for ei rettferdig verd, for å nå klimamåla og for eit Europa med fridom og moglegheiter for alle. Eit prosjekt Noreg bør vere med i, frå innsida.